2017 6月日本四國高松/直島/大川原高原/祖谷溫泉/自由行 - Day 1 高松市

乘坐UO 3522 16:10 抵達高松機場, 過關都好快. 出到去想買d 野食上巴士, 原來高松機場arrival hall 無便利店只係有間手信店, 買左盒餅就去買車飛. 車票機隔離都會有職員幫忙. 機場巴士時間有飛機降落就有啦. 時間表可參考以下網址。今次住Dormy Inn Takamatsu 坐到瓦町駅710yen, 大概35分鐘就到.

http://www.kotoden.co.jp/publichtm/bus/limousine/index.html

瓦町駅亦都係電車車站，車站上蓋有瓦町flag商場，地庫有super market. 仲有間Starbucks. 步行到dormy inn大概5分鐘左右



高松dormy inn 經japanican訂，twin room 10000yen一晚，個plan仲送左三條讚岐烏東.酒店位置好方便，就喺丸龜町商店街同lion通對面。check in完就行返去瓦町flag 行下。最緊要去超市買定飲品同零食.

[caption width="1048" align="alignnone"] 車站的日落[/caption]

 返酒店放低糧食後就行過對面丸龜町行下同埋揾食。呢段嘅丸龜町green比較歐陸風, 有幾間賣organic food店舖又有loft, tower records. 行前又有無印，zara, franc franc. 行多一陣就去左揾嘢食。http://mgreen.jp

見好多人嘅blog都話去一鶴，行行下見到，又無人排隊就入去睇下。等左10分鐘左右就有位啦。一鶴係食骨付島，即係有骨嘅燒鷄脾。食燒鷄脾當然要飲生啤，一啖鷄脾一啖啤酒確係正。

http://www.ikkaku.co.jp/


當我離開一鶴嘅時候，出面已經排哂大隊。食飽返酒店浸個温泉準備一下聽日嘅行程

2017 4月九州尋找櫻花快閃三日兩夜自駕遊 - Day3 馬場之山櫻/博多 shopping

黃昏6點幾機返香港，得嗰幾個鐘做乜好？又上網search下。就去左離酒店20分鐘嘅馬場之山櫻。攞車時候見到酒店對面有間生果舖, 就過去睇下啦. 生果蔬菜真係好新鮮, 如果住apartment 就好啦.



食完士多啤梨就係開車啦. 跟住google map 都要好留心揾下個入口. 呢個山頭就喺馬路旁有條路仔落去，只有一塊好細嘅牌指示，無停車位，我見個個都喺泊斜路邊。入口有幾條鐵線圍住，大概係話有電嘅驚有嘢豬偷入去，叫人要小心跨入去咁。同埋內有蜜蜂嘅牌。入到去就見到一大遍黃色油菜花。及一棵大櫻樹。如果棵櫻樹係滿開真係會超靚. 我地都喺度影左大半個鐘相，我就不停喺度避蜜蜂。真係好多蜜蜂又好大隻架.....呢個地方真係好得意, 又唔係一個什麼公園, 但又似有人打理, 又舖左條石屎路方便人行.

馬場の山桜
Takeuchicho Oaza Mateno, Takeo, Saga Prefecture 849-2342, Japan


https://goo.gl/maps/Z7rFMd35yEM2







[caption width="4032" align="alignnone"] 油菜花田[/caption]

[caption width="765" align="alignnone"] 真係好多蜜蜂㗎[/caption]

影完寫真係顛完一輪, 要出返城啦, 黎到日本無可能唔shopping嘅, 跟住就去左canal city 同博多站最後博殺. lunch 就係 canal city 拉麵stadium 解決. 拉麵, 又係拉麵. 行完街就返機場還車. 租車地方喺國內線對面, 還完車要坐穿梳巴士去國際線, 都要一段時間, 最好預多多少少時間還車呀.

2017 4月九州尋找櫻花快閃三日兩夜自駕遊 - Day2 大村公園/陶山神社/有田/伊 萬里/御船山樂園

三日兩夜嘅行程,只有day 2 得全日, 當然希望以最短時間去最多嘅地方. 復活節前見到朋友post 櫻花滿開相, 但到我地去到九州其實已經開始散落. 一路上網 check 住花開情報. 呢個網我覺得唔錯, 又可睇天氣, 季節性又有櫻花, 紅葉, 滑雪情報. 雖然係日文, 但係憑漢字都應該明到一半的. https://tenki.jp/sakura/.

一早起身食個早餐, 原來食早餐地方對出有個小教堂, 周圍都有幾棵櫻花但都已經散落了.

早餐選擇唔係太多, 一般的沙律, 火腿蛋, 粥, 飯都有. 食完早餐就出去教堂行下, 櫻花都落左一半了.上網check 到大村公園有機會仲有滿開, 就決定去遠少少嘅長崎懸. 車程都係45分左右.



[caption width="4032" id="attachment_616" align="alignnone"] 酒店提供舉行婚禮的教堂[/caption]



泊好車後, 一路行入大村公園兩旁嘅櫻花都已經落得七七八八, so sad,一場黎到, 唔緊要啦都入去望一望. 直至行到上大村神社, 終於見到幾棵滿開櫻花.





[caption width="3024" id="attachment_631" align="alignnone"] 大村神社[/caption]

[caption width="2304" id="attachment_632" align="alignnone"] 櫻花滿開[/caption]

睇完幾棵滿開櫻花自我感覺良好後, 都知道再去尋找其他有櫻花地方機會好都好微, 而當時都只係11點幾, 仲有大把時間, 所以就去伊萬里市探朋友. 一路睇住google map, 即興睇下有咩地方玩, 見到會途經陶山神社, 又即管去睇下. 好笑又驚喜的事情即將發生 <--自己覺得啦. 去陶山神社要上一條樓梯, 我地一路行近嘅時候就發現有好多人喺樓梯邊, 我仲以為嗰度係比人休息嘅地方, 行到上去, 原來入陶山神社仲要跨過火車軌, 當時就見到好多人都拎住相機向住同一方向, 手機又有, 用腳架又有. 作為一個自稱火車控, 我即刻大叫:"一定就快有火車經過啦! 我地等下啦". 所有朋友又聽我老點企喺度傻等. 咁當中梗係會有朋友問我 :等乜春呀? 火車之嘛....

[caption width="2393" align="alignnone"] 一班儍仔喺度等乜嘢[/caption]

我又唔識死係咁企上樓梯最上一級，不停比神社工作人員趕我企返落去黃線下. 朋友又再問到底有乜嘢睇呀？好在等左幾分鐘後就聽到叮叮聲，火車就到啦，各人又再次緊張舉起相機. 我梗係唔執輸同個朋友講我影相你影video. 亦有朋友企左喺後排用鄙視眼光望住我, 好想快D走, 到底會係架乜野火車? 到見到架火車越黎越近嘅時候我就聽到到周圍嘅人嘩嘩聲. 包括鄙視我嘅朋友. 我透過相機mon都睇到Ｏ咀. 然後當火車喺我前面一呎經過的時候, 我只係感覺到...嘩!!好靚好大架,果陣風差點吹左我落樓梯, 難怪阿姐唔比我企咁近.

原來呢架我相信係日本最豪華的cruise train Seven Stars in Kyushu. 2日1夜, 雙人房, 每人都要大概30萬YEN. 仲要預早大半年申請. 真係呢世無機會坐都有幸可以親眼望到. 一個無預先安排嘅偶遇另到大家都嘩嘩聲然後哈哈大笑都算係今次旅程嘅highlight

[caption width="1279" align="alignnone"] 超豪華的seven stars in kyushu[/caption]



https://www.youtube.com/watch?v=3xYI8IQ1Sow

有田係日本陶瓷發源地, 陶山神社出名係佢嘅陶瓷鳥居及各種陶瓷做嘅裝飾. 仲有陶瓷做嘅御守.





 

[gallery ids="736,737" type="columns"]

行完陶山神社就落去有田町行下, 睇下有無野買先. 陶瓷都幾貴下所以無收獲啦.有田亦有好多古舊建築物.





行完街街係時候搵野食啦, 又喺google map search 下, 搵到呢間威風堂堂拉麵.



 

[gallery ids="757,758" type="square" columns="2"]

食飽起程去伊萬里搵朋友囉. 日本朋友在伊萬里長大, 家族做陶瓷生意, 呢間海のシルクロード館由朋友打理, 另一間舖係賣比較傳統陶瓷就由他父母打理. 呢度除左有陶瓷賣, 二樓仲有個少少伊萬里燒歷史介紹, 最主要仲有做陶瓷及手繪陶瓷體驗工房. 由於時間關係, 我地揀左手繪.呢度手繪陶瓷體驗工房簡直超值, 價錢由800yen 起, 根據你揀嘅瓷器款式而定, 價錢已包括教學,材料及燒. 燒好後會寄返比你. 郵費另計.



我呢隻6吋碟都只係1000yen, 朋友嘅sake壺最貴盛惠1500 yen.

[caption width="1080" align="alignnone"] 亂畫中[/caption]

亂畫好啦, 我見到人地嘅作品好靚, 但係我地好似小學生咁.



呢個係大概2個月後收到嘅製成品。當然郵費貴過入面貨品。完成品睇落都唔錯呀。哈哈



打搞完朋友後, 佢帶左好我地附近一間antique cafeロシエ , cafe 內有好多古董陶瓷, 而用黎載食品飲品嘅瓷器都好靚.





玩完飲完之後要返酒店, 稍作休息繼續趕下場. 酒店後面就係御船山樂園, 樂園每季都有唔同主題. 上網睇到本應有紫藤花的, 不過花開嘅野好難講啦. 去到入口就發現紫藤仲未有, 但仲有夜櫻. 雖然櫻花散落左唔少, 但係加埋燈光反映在湖上都好靚呀.



[caption width="1537" id="attachment_846" align="alignnone"] 夜櫻[/caption]

欣賞完夜櫻又喺時候揾食，又喺上Google map喺咁search,武雄市唔大但都有條熱鬧的街，兩邊有酒吧食店。揀左呢間一心居酒屋.





[caption width="4032" id="attachment_899" align="alignnone"] 前菜[/caption]



[caption width="4032" id="attachment_901" align="alignnone"] 大根沙律[/caption]

[caption width="4032" id="attachment_902" align="alignnone"] 燒牛肉[/caption]

今日行程確係豐富又緊湊, 呢個旅程又快將完結. 返酒店又要諗下聽朝去邊度好.

2017 4月九州尋找櫻花快閃三日兩夜自駕遊 - Day1住宿武雄

今次復活節快閃尋找櫻花自駕遊, 由H伙同其他朋友出發.  由4月頭開始日日喺facebook 見到個個post 櫻花相, 羨慕到不得了, 又咁啱有朋友撩起不如復活節搵地方去下, 咁就出發前兩日book 左hkexpress 去福岡. 搵黎搵去假期黎講14號去, 16號返算最平架啦. 都盛惠HK$3600. hkexpress呢個價真係肉都赤.

一行5人, 4/14 坐UO638 17:25 到達福岡,  喺國際線terminal 搭穿梳巴士到國內線terminal 再過一條大馬路就係Nissan car rental. 經 tocoo 租左7 人車serena, 3日2夜, 29000 yen. 攞完車都差唔多7 點梗係醫肚先啦, 就隨便楂左去博多站附近, 兜兜下見到呢間個外型幾特別就決定入去試下.

naginoki hakata 以新鮮食材見稱, 活墨魚同地雞鍋最出名. 墨魚上枱時仲係會郁既, 真係唔好意思啦. 善哉! 善哉!  另外頭爪可以揀天婦羅或鹽燒. 我地揀左鹽燒. 其他食物因為太好味的原因, 已經忘記了影相. 填飽肚後當然要做指定動作去supermarket 行下. Whisky 同零食梗係唔少得. 仲買左呢隻papaya melon試下, 味道似蜜瓜多D. 入完貨後就出發去酒店.

今次無住福岡市, book 了位於武雄既 Takeo Century Hotel, 原因咪就係太遲決定旅程所以福岡市的酒店比人book 得七七八八. 喺得一日時間搵酒店同決定行程的情況下, 就搵左個中間位置武雄, 既方便尋找櫻花, 又唔會離機場太遠. 由博多開車去大概一個鐘左右.
check in 完上到房都已經11:30pm, 原來溫泉到12點就關門, 放低行李後飛奔衝去溫泉, 門口當值個嬸嬸見到我地都皺哂眉. 其實我地知架啦......12點前會搞掂啦.....浸完溫泉返上房, 就嘆下酒傾下聽日行程.
Takeo Century Hotel  日式房, 每人大概HK$700 一晚包早餐.