平時比較少坐Finnair, 飛機餐OK啦, 偷望隔離一對情侶, 佢哋個餐成盒上架, 唔知係咩, 建議大家可以上航空公司睇下有咩選擇。
Ivalo 機場超細, 設施簡單, 落機係停機坪行十零步就到抵境大堂, 當然, 死鬼遊客無理由唔影相。
 |
| Ivalo 機場, 一眼睇哂 |
由於機場無巴士直接去我哋要入住嘅Hotel Inari酒店, 所以預先安排左酒店派車來接, 車價為70euro, 車程約40分鐘, 有時都要豪一下。沿途可以睇到舖滿雪的森林, 偶而仲有野生嘅馴鹿。
 |
| reindeer |
到啦!!酒店高三層, 無電梯... 係無電梯...要托兩個喼上樓.....
book 左studio apartment, euro$116一晚, 貪佢有個厨房仔, 無聊可以烹下野食
Inari 係一個非常簡單嘅小鎮, 店舖唔多, 但無啦啦有一間好靚嘅博物館, 仲有零星的餐廳及一家小超市。到酒店Check-in後, 我們先係周圍逛左一圈, 揾左間餐廳解決午餐。
 |
| Sami cultural centre sanjos |
 |
| 唯一有開的餐廳 |
點左Pizza及鹿肉配薯蓉, 鹿肉質感有點介乎牛肉及駝鳥肉, 帶羶。
午餐後到小超市買點食糧及水, 舟屋勞頓, 決定瞌一瞌, 迎接第一晚等光之夜。
瞓到8點, 掀起窗廉, 依然係極厚嘅雲層.疊埋心水煮飯食! 仲有在超市買的燒雞脾沒影相.
一直等到11點幾, 決定落去lake inari 碰下運氣.
好在氣溫真係唔算太凍, 唔係企一陣都會死。
大概等左45分鐘, 雲層開始散。 突然聽到遠處傳來一句廣東話: 有啦有啦! 呢度呀! 係啦呢度啦!
真係要多謝呢位女士, 因為當晚的北極光較弱而且雲層亦未全散, 我又正試玩我部相機, 唔係得佢大叫, 真係會錯失極光.
當時只有一條極細小嘅白色光, 若隱若現. 我們當然唔會放棄繼續等.
就甘等到1:30, 太冷了, 回房間喝杯茶, 換過暖包又走反冰湖繼續等, 直到大概3:30am, 實在太攰啦, 真係要去瞓. 那時的極光已經來到hotel inari 及超市的頭頂了.
 |
| 遠處的極光 |
雖然這天的極光很弱及有雲層遮著. 在一到步那天已經看到. 總算幸運吧.
而不懂拍照的我更白痴地整晚都用著同一光圈快門..........可能是太興奮的關係, 所有照片都是暗暗的.
No comments:
Post a Comment